चट्याङबाट २ जनाको मृत्यु

काठमाडौं । चटयाङ परेर एकजनाको मृत्यु भएको छ भने दुईजना घाइते भएका छन् । झापा र मोरङमा शनिवार चट्याङ लागेर दुई जनाको मृत्यु भएको हो ।

मेचीनगर ज्यामिरगढीमा खेतमा काम गरिरहेको बेला ४० वर्षका प्रकाश राउत, उनकी पत्नी सुनिता राउत, भाउजु मञ्जु राउत घाइते भएका थिए । घाइते तीनै जनालाई भद्रपुर लगिएको थियो । उपचारको क्रममा प्रकाश राउतको मृत्यु भएको जिल्ला प्रहरी कार्यालय झापाले जनाएको छ । दुई जनाको अवस्था गम्भीर रहेको छ ।

त्यसैगरी मोरङ बढीगंगामा चट्याङ लागेर एक बालिकाको मृत्यु भएको छ । घर नजिकै रहेको बारीमा गाईवस्तु चराउन जाँदा चट्याङ लागेर १० वर्षकी आरधना राजवंशीको मृत्यु भएको हो ।
गम्भीर घाइते भएकी बालिकालाई उपचारको लागि बिराट मेडिकल अस्पताल विराटनगर लगिएको र उपचारको क्रममा बालिकाको मृत्यु भएको जिल्ला प्रहरी कार्यालय मोरङले जनाएको छ ।