चीनतर्फका दुई नाका खोल्ने निर्णय
सारांश
- काठमाडौं ।
- सरकारले चीनतर्फका रसुवागढी र तातोपानी गरी दुईवटा सीमा नाका सञ्चालन गर्ने निर्णय गरेको छ ।
- उपप्रधानमन्त्री तथा रक्षामन्त्री ईश्वर पोखरेल संयोजकत्वमा गठन गरिएको उच्चस्तरीय कोरोना समन्वय समितिले बुधबार सो निर्णय गरेको हो ।
काठमाडौं । सरकारले चीनतर्फका रसुवागढी र तातोपानी गरी दुईवटा सीमा नाका सञ्चालन गर्ने निर्णय गरेको छ । उपप्रधानमन्त्री तथा रक्षामन्त्री ईश्वर पोखरेल संयोजकत्वमा गठन गरिएको उच्चस्तरीय कोरोना समन्वय समितिले बुधबार सो निर्णय गरेको हो ।
त्यसैगरी औषधि, खाद्यवस्तु, पानी, दूध, फलफूल, तरकारी, पशुपन्छी र माछाको दाना, कुखुराका चल्ला ढुवानी गर्ने र फर्केर जाने सवारी साधनलाई सुचारु गर्ने भएको छ । यस्ता सवारी साधनले यात्रु ओसारपसार गर्न नपाउने, औषधि उत्पादन, ग्याँस बोटलिङजस्ता कार्यमा संलग्न हुने श्रमिकहरूलाई कार्यस्थलसम्म आउन जानका लागि सम्बन्धित उत्पादक संस्थाले सवारी साधनको व्यवस्था गर्ने, गृह मन्त्रालयले सो सवारी साधनका लागि आवश्यक अनुमति दिने, ठूला खाद्य स्टोर तथा पसलहरूले आवश्यक खाद्यवस्तुहरू होम डेलिभरी गर्ने व्यवस्था मिलाउने यसका लागि गृह मन्त्रालयले सीमित संख्याका सवारी साधनलाई अनुमति दिने निर्णय पनि गरेको छ ।
प्रतिक्रिया