मनाेरञ्जन समाचार :जब सलमान खानका कारण पिता सलिम खानले माफी मागे

मुम्बइ। बलिउडका दबंग सलमान खान र रणवीर कपुरको सम्बन्धबारे धेरैलाई थाहा छ । उनीहरुको सम्बन्ध बिग्रिनुको मुख्य कारण सबैले कटरिना र रणवीरको सम्बन्धलाई लिने गरिन्छ । सलमान खान र रणवीर कपुर एकअर्कालाई फुटेको आँखाले पनि हेर्न रुचाउँदैनन् । रणवीर कपुर अभिनय क्षेत्रमा आउनुभन्दा पहिला नै सलमान खानसँग लडाइ भएको थियो ।

सलमान खान आफ्ना साथीहरुसँग मुम्बइ पबमा रमाइ रहेका थिए भने अर्को तर्फ रणवीर कपुर पनि रमाइ रहेका थिए । यस्तैमा उनीहरुबीच वाकयुद्ध नै चल्यो । सलमान खानले आफ्नो रिस नियन्त्रण गर्न सकेनन् र रणवीरलाई झापड हाने ।

रणवीर तत्काल उक्त ठाउँ छाड्दै घरतिर लागे । तर, रणवीरका पिता ऋषि कपुर भने चुप लागेनन् । उनले सलमान खानलाई यसको कडा जवाफ दिने धम्की दिइनै रहे । सलमान खानका पिता सलिम खानलाई उक्त घटनाले अत्यन्त लाजमर्दो स्थिति बनायो ।

उनले ऋषि कपुरसँग माफी माग्न आफू तयार रहेको बताएका थिए । सलिम सलमान खानलाई लिएर ऋषि कपुरको घरमा माफी माग्न पुगेका थिए । तर, ऋषि कपुरले पनि आफ्नो रिसमा उनीहरुलाई घण्टौ सम्म कुराएर पोखे । अत्यन्त बिन्ति भाउ गरेपछि ऋषि कपुरले सलमान खानलाई माफी दिएका थिए ।