महिनावारी स्वच्छता दिवशको अवशरमा वक्तृत्वकला, रुढिवादी परम्परालाई हटाउनुपर्नेमा जोड

माधव बेल्वासे,चन्द्रौटा कपिलवस्तु,  १५  जेठ । कपिलवस्तुको शिवराज नगरपालिका चन्द्रौटामा पाचौँ महिनावारी स्वच्छता दिवशको अवशरमा वक्तृत्वकला प्रतियोगीता सम्पन्न भएको छ ।

सेभ द चिल्ड्रेनको सहयोग,शिवराज नगरपालिकाको समन्वय र कालिका स्वालम्वन सामाजिक केन्द्रको आयोजनामा रहेको प्रतियोगीतामा १० जना युवतीहरु सहभागी भएका थिए ।
‘किशोराअवस्थामा महिनावारी र सरसफाई’ विषयक प्रतियोगीमा सहभागीहरुलाई आ आफ्नो धारणा व्यक्त गरेका थिए ।महिनावारी स्वच्छता मार्फत महिला तथा किशोरीहरुको सशक्तिकरण भन्ने नारा सहित यस वर्ष पाचौ महिनावारी स्वच्छता दिवश मनाइएको छ ।

कार्यक्रमलाई सम्वोधन गर्दै शिवराज नगरपालिका उपप्रमुख शिवकुमारी थारुले महिनावारी भएको महिला तथा युवतीहरुलाई हेर्ने दृष्टीको फरक बनाउनुपर्ने वताइन । महिनावारी महिलाहरुलाई छुन नहुने,अन्य गोठमा बसाल्नुपर्ने जस्ता रुढिवादी परम्परालाई अव हटाउनुपर्नेमा जोड दिइन । विभिन्न ठाउमा महिनावारी भएका महिलाई बेवस्ता गर्दा कयौ महिलाहरुको ज्यान गएको स्मरण गराउदै उपप्रमुख थारुले सोच परिवर्तन गर्न सकेमा कसैको अकालमै ज्यान नजाने धारण व्यक्त गरीन् ।

प्रमुख अतिथि समेत रहेकी थारुले युवतीहरु आजको दिन महिनावारी सम्वन्धि धरै जानकार भएकोमा खुसी व्याक्त गरीन । विगतमा शिक्षण सस्थाहरुले महिनावारीको वारेमा रहेको पाठ्याक्रमहरु नपढाउदा पनि सचेत हुन नसकेको जनाइन । कार्यक्रममा इलाका प्रशासन चन्द्रौटाका प्रमुख जगदीश अर्यालले युवतीहरु महिनावारीको विषयमा धेरै वोल्न सक्ने भएको वताए ।शिक्षक शिक्षीका र अन्य संघ सस्थाको प्रयासमा महिला तथा युवतीहरु महिनावारीको समय उपनाउनुपर्ने कुराहरुको वारेमा सचेत भएकोमा खुसी व्याक्त गरे ।

कार्यक्रममा मावि इमिलियाकी आस्था घिमिरे प्रथम,रामगोरखा मावि वहादुगंजकी रिनका चौधरी दितिय,नेपाल तारा मावि की विपना काफ्ले तृतिय र राष्ट्रिय मावि चन्द्रौटाकी सरला कुवरले सान्तवना स्थान हासील गरेका छन ।विजेताहरुले पुरस्कार सहित सम्मान गरिएको छ ।

कालिका स्वालम्वन सामाजिक केन्द्रका सल्लाहाकार प्रमोद दाहालको अध्यक्षता,शिवराज नगरपालिकाका उपप्रमुख शिवकुमारी थारुको प्रमुख आतिथ्यता इलाका प्रशासन चन्द्रौटाका प्रमुख जगदीश अर्यालको विशिष्ट आतिथ्यतामा कार्यक्रम सम्पन्न भएको छ ।कार्यक्रम रेडियो शिवराज वाट प्रत्यक्ष प्रशारण भएको थियो ।