राष्ट्रिय जनमोर्चाका युवा नेता सुरेश थापालाई पितृशोक

काठमाडौं, २० असार । राष्ट्रिय जनमोर्चाका पूर्व केन्द्रीय सल्लाहकार सुरेश थापालाई पितृशोक परेको छ । थापाका पिता एकबहादुर थापाको बुधवार बिहान ५ बजेतिर ८० वर्षको उमेरमा दाङमै निधन भएको हो ।

मृतक थापाको आजै दाहसंस्कार गरिएको छ । दाहसंस्कारपूर्व स्व. थापाको सम्झनामा श्रद्धाञ्जली कार्यक्रम गरी राष्ट्रिय जनमोर्चा दाङका जिल्ला अध्यक्ष गणेश आचार्यले पार्टीको झण्डा ओढाएका थिए । श्रद्धाञ्जली कार्यक्रममा राष्ट्रिय जनमोर्चा जिल्ला अध्यक्ष गणेश आचार्य र नेकपा (मसाल) दाङ जिल्ला प्रवक्ता भरत भण्डारीले श्रद्धाञ्जली मन्तव्य राखेका थिए । श्रद्धाञ्जली कार्यक्रमको सञ्चालन राष्ट्रिय जनमोर्चा दाङका जिल्ला सदस्य तथा मृतकका छोरीज्वाईं सुशील पोख्रेलले गरेका थिए ।

निधनपछि गरिने मृत्युु संस्कारको विषयमा घरपरिवार र पार्टीको बीचमा भएको सरसल्लाह बमोजिम निधन भएको सातौं दिन असार २६ गते श्रद्धाञ्जलीसभा तथा मृत्युु संस्कारको सम्पूर्ण काम सम्पन्न गरिने छ । त्यसैको आधारमा समवेदनाको लागि आउनुहुने सबैलाई समय मिलाउन राष्ट्रिय जनमोर्चा दाङका अध्यक्ष गणेश आचार्यले अनुरोध गरेका छन् ।