दुई राप्रपाका अलग–अलग बैठक बस्दै, आक्रमक रुपमा आउँदै नयाँ राप्रपा
सारांश
- काठमाडौं, २३ साउन ।
- राष्ट्रिय प्रजातन्त्र पार्टीसँग विभाजित भएको पशुपति शम्शेर राणा नेतृत्वको राष्ट्रिय प्रजातन्त्र पार्टी (प्रजातान्त्रिक)को केन्द्रीय कार्यसमितिको बैठक बस्दैछ ।
- काठमाडौंको महाराजगञ्जमा अहिले केही समयपछि सुरु हुने बैठकमा भावी रणनीति, सांगठनिक संरचना र अन्य विविध विषयमा छलफल हुने केन्द्रीय सदस्य किरण गिरीले जानकारी दिनुभयो ।
काठमाडौं, २३ साउन । राष्ट्रिय प्रजातन्त्र पार्टीसँग विभाजित भएको पशुपति शम्शेर राणा नेतृत्वको राष्ट्रिय प्रजातन्त्र पार्टी (प्रजातान्त्रिक)को केन्द्रीय कार्यसमितिको बैठक बस्दैछ ।
काठमाडौंको महाराजगञ्जमा अहिले केही समयपछि सुरु हुने बैठकमा भावी रणनीति, सांगठनिक संरचना र अन्य विविध विषयमा छलफल हुने केन्द्रीय सदस्य किरण गिरीले जानकारी दिनुभयो ।
‘नयाँ पार्टी गठन भएको छ । अब कसरी अगाडि बढ्ने भन्ने विषयमा हामीले आन्तरिक छलफल गर्दै छौँ’, गिरीले भन्नुभयो, ‘बैठकले गर्ने निर्णयहरू सकेसम्म आजै पत्रकार सम्मेलन गरेर सार्वजनिक गर्ने तयारीमा छौँ ।’
उता, कमल थापा नेतृत्वको राप्रपाको पनि पार्टी विभाजनका विषयमा छलफल गर्न बैठक बस्ने तयारी भएको छ ।
राप्रपाका सहायक महामन्त्री राजाराम बर्तौलाले पशुपति शम्शेर राणासहितका नेताहरूले फर्जी हस्ताक्षरसहित पार्टी विभाजन गरेको भन्दै त्यस विषयमा के गर्ने भन्नेबारेमा छलफल गर्न पार्टीको बैठक बस्ने जानकारी दिनुभयो ।
प्रतिक्रिया