एयरलाइन्स मेन्टिनेन्सका कर्मचारी ३० तोला सुन सहित पक्राउ
सारांश
- काठमाडौं ।
- नेपाल एयरलाइन्सका एक कर्मचारी ३० तोला सुन सहित पक्राउ परेका छन् ।
- सिराहा घर भएका एयरलाईन्सका कर्मचारी २१ वर्षीय रन्जितकुमार यादवको साथमा ३ वटा विस्कुटमा राखिएको सुन अवैध भेटिएको हो ।
काठमाडौं । नेपाल एयरलाइन्सका एक कर्मचारी ३० तोला सुन सहित पक्राउ परेका छन् । सिराहा घर भएका एयरलाईन्सका कर्मचारी २१ वर्षीय रन्जितकुमार यादवको साथमा ३ वटा विस्कुटमा राखिएको सुन अवैध भेटिएको हो ।
दोहाबाट काठमाडौं आएको नेपाल एयरलाईन्सको फ्लाईटमा अवैध रुपमा सुन लुकाई छिपाई ल्याइरहेको भन्ने सूचनाको आधारमा उनलाई पक्रेको प्रहरीले जनाएको छ ।
त्यसै फ्लाइटमा आएका यात्रु सिराहाका २६ वर्षीय धर्मेन्द्रकुमार यादवलाई त्रिभुवन अन्तर्राष्ट्रिय विमानस्थलवाट नियन्त्रणमा लिई सोधपुछ गरिएको थियो । उनले दोहावाट पठाएको सुनको पार्सल जहाजबाट उत्रनासाथ फोनबाट सम्पर्कमा आएका व्यक्तिलाई दिएको बताएका थिए । खोजी तथा अनुसन्धान गर्ने क्रममा रन्जितलाई नियन्त्रणमा लिई जाँच गर्दा ३ वटा विस्कुटमा राखिएको लुकाईछिपाई राखिएको सुन प्रहरीले फेला पारी उनलाई पक्राउ गरेको हो ।
नेपाल एयरलाईन्सको मेन्टेन्नेस ह्यागरमा १ वर्षदेखि काम गर्दै आएका यादवसहित संलग्न अन्य व्यक्तिहरु सम्वन्धमा थप अनुसन्धान भइरहेको प्रहरीले जनाएको छ ।
प्रतिक्रिया