उदयपुर र मोरङ बाट लागूऔषध सहित ३ पक्राउ
सारांश
- उदयपुर १६,माघ ।
- उदयपुर र मोरङ बाट प्रहरीले लागूऔषध सहित ३ जनालाई पक्राउ गरेको छ ।
- उदयपुरको त्रियुगा नगरपालिका-१३ खैजनपुरबाट प्रहरीले बुधवार लागूऔषध सहित १ जनालाई पक्राउ गरेको छ ।
उदयपुर १६,माघ । उदयपुर र मोरङ बाट प्रहरीले लागूऔषध सहित ३ जनालाई पक्राउ गरेको छ । उदयपुरको त्रियुगा नगरपालिका-१३ खैजनपुरबाट प्रहरीले बुधवार लागूऔषध सहित १ जनालाई पक्राउ गरेको छ ।पक्राउ पर्नेमा त्रियुगा नगरपालिका-१३ खैजनपुर का कबिराज ढकाल रहेको जिल्ला प्रहरी कार्यालय ले जनाएको छ।
पक्राउ परेका ढकालको साथ बाट प्रहरी टोलीले लागूऔषध डाईजेल्याव-४ एम्पुल, प्रयोग गरिसकेको १ एम्पुल र सिरिन्जमा भरेर राखेको-२ एम्पुल फेला पारी बरामद गरेको हो । पक्राउ परेका ढकाललाई जिल्ला प्रहरी कार्यालय उदयपुरमा राखि थप अनुसन्धान भईरहेको जिल्ला प्रहरी कार्यालय उदयपुर ले जनाएको छ।
त्यसैगरी मोरङको विराटनगर महानगरपालिका-१५ बाट प्रहरीले मंगलवार मलद्वारमा लुकाई राखेको लागूऔषध सहित २ जनालाई पक्राउ गरेको छ । लागूऔषध सहित धरान उप-महानगरपालिका-१० बस्ने बर्ष २२ को रेजी शेर्पा र बर्ष २७ को सुवास प्रधानलाई पक्राउ गरेको हो ।
बिशेष सूचनाका आधारमा नियन्त्रणमा लिएका प्रधानले मलद्वारमा लुकाएको लागुऔषध निकाल्न करिब १ घण्टा लागेको थियो । सीमा प्रहरी चौकी रानीमा १८ र इलाका प्रहरी कार्यालय रानीमा २ गरी जम्मा २० एम्पुल निकालिएको हो ।
पक्राउ परेकाहरुको साथबाट ५ एम्पुल डाइजेल्याब, ११ एम्पुल लुपिजेसिक, १३ एम्पुल एभिल गरी जम्मा २९ एम्पुल लागुऔषध निकालेको जिल्ला प्रहरी कार्यालय मोरङ ले जानकारी दिएको छ।
प्रतिक्रिया